Модулийн тухай - МХ
Шинэчилсэн:2026/04/27 Унших:3 мин 59 сек
Модулийн тухай
Энэ модулиар байгууллагын касс болон харилцахын орлого, зарлагын бүртгэл хөтөлнө. Мөн касс, харилцахын орлого, зарлагын цонхоор хийгдсэн бүртгэлийг харах, засах, устгахаас гадна, бусад модулиар хийгдсэн касс, харилцахын дансны ажил гүйлгээг харах, засах, устгах боломжтой.
Модультай ажиллах дараалал
Мөнгөн хөрөнгийн модулийн хувьд ажиллах хатуу дараалал байхгүй бөгөөд ажил гүйлгээ хийгдсэн дарааллаар бүртгэлийг хөтөлнө.
Анхаарах зүйлс
Касс, харилцахын гүйлгээг бүртгэхдээ огнооны дарааллаар зөв бүртгэх шаардлагатай бөгөөд дарааллаар бүртгээгүй, огноог буруу оруулснаар дансны дүн хасах утгатай болох эрсдэлтэй.
Youtube лого дээр дарж видео заавартай танилцаарай.
Энэ модуль нь байгууллагын бэлэн, бэлэн бус мөнгөний орлого, зарлагын гүйлгээг бүртгэх, орлого, зарлагын баримт үйлдэх, мөнгөний үлдэгдлийг хөтлөх, мөнгөн хөрөнгийн тайлан боловсруулах үндсэн үүрэг бүхий модуль юм.
Функц боломж
- o Харилцахын орлого бүртгэх
- o Харилцахын зарлага бүртгэх
- o Харилцахын баримт хэвлэх, олон хувь хэвлэх
- o Харилцахын данстай харьцсан бүх ажил гүйлгээг шүүж харах, засах, устгах
- o Харилцахын жагсаалт харах
- o Кассын орлого бүртгэх
- o Кассын зарлага бүртгэх
- o Кассын баримт хэвлэх, олон хувь хэвлэх
- o Кассын данстай харьцсан бүх ажил гүйлгээг шүүж харах, засах, устгах
- o Кассын жагсаалт харах
- o Excel файлаас импортлох, excel файл руу экспортлох
- o Касс, харилцахын орлогын баримтаас ebarimt үүсгэх
- o Төгрөг, валютаар орлого, зарлага хийх
- o Валютын ханш оруулсан, тэнцүү байх шалгууртай
- o Харьцсан данс ижил, харилцагч ижил олон баримтын журнал автоматаар үүсгэх, засах, устгах
- o Мөнгөн гүйлгээний үзүүлэлт тохируулах
- o Мөнгөн гүйлгээний үзүүлэлт нэмж, мөнгөн гүйлгээний дэлгэрэнгүй тайлан харах
- o Мөнгөн гүйлгээний тайлангийн өмнөх оны дүн тохируулах
- o Drill down буюу тайлангаас ажил гүйлгээний бүртгэлийг дамжиж харах боломжтой.
Тайлан
- o Кассын товчоо (төгрөг, валют)
- o Кассын дэлгэрэнгүй (төгрөг, валют)
- o Харилцахын товчоо (төгрөг, валют)
- o Харилцахын дэлгэрэнгүй (төгрөг, валют)
- o Касс, харилцахын товчоо (төгрөг, валют)
- o Мөнгөн гүйлгээний товчоо
- o Мөнгөн гүйлгээний дэлгэрэнгүй
- o
- o + Нэмэлт тайлангууд (тухайн байгууллагад зориулж нэмэлтээр хийх боломжтой)
Модульд сүүлд хийгдсэн шинэчлэлүүд
v11.4 (2026.4)
- Мөнгөн хөрөнгө - Харилцах жагсаалт цонхонд Гэрээ багана нэмэгдсэн.
- Мөнгөн хөрөнгө - Харилцах жагсаалт цонхонд excel файлаас импортлох үед гүйлгээний утгаас Харилцагч код-оор шүүж, харилцагч олдог байсныг болиулсан. Өөрөөр хэлбэл, дотоод кодоор харилцагч олохгүй болсон. Шалтгаан, мөнгөн дүн, гүйлгээний утга дахь код дотоод кодтой давхцал үүсгэж байсан. Регистрийн дугаараар хэвийн олно.
v10.12 (2025.12)
- Мөнгөн хөрөнгө - Харилцах жагсаалт, Касс жагсаалт цонхонд Excel файлаас импортлох темплэйт загварт Тооцоо № багана нэмэгдсэн. Тооцооны № -аар орлого, зарлагын гүйлгээ холбож оруулах боломжтой.
- Мөнгөн хөрөнгө - Харилцах жагсаалт, Касс жагсаалт цонхноос олноор Журнал үүсгэх үед Тооцоо № оруулж Тооцооны №-аар гүйлгээ холбох боломжтой болсон.
v10.11 (2025.11)
- Мөнгөн хөрөнгө - Харилцах жагсаалт цонхонд банкнаас хуулга (ХХБ, Хасбанк, Голомт банк) татах үед Ханш баганын утгыг тухайн банкны хуулгаас татдаг болсон.
- Мөнгөн хөрөнгө - Харилцах жагсаалт цонхонд банкнаас хуулга татах үед Банк гүйлгээ цаг буюу банкны системд тухайн гүйлгээ хийгдсэн цагийг татаж, харуулдаг болсон.
- Мөнгөн хөрөнгө - Харилцах жагсаалт цонхонд excel импортлох үед Ханш импортлох боломжтой болсон.
v10.6 (2025.6)
-
Худалдаа хөгжлийн банкны /ХХБ/ буюу Corporate gateway ашиглан дансны хуулга татах боломжтой болсон.
-
Мөнгөн хөрөнгө - Харилцах жагсаалт цонхонд дансны хуулга татах үед Систем дугаараар харилцагч олсон бол Тооцоо № дээр Систем дугаар бөглөдөг болсон.
v10.2 (2025.2)
-
Мөнгөн хөрөнгө - Харилцахын зарлага цонхноос Төлбөрийн даалгавар тамга гарын үсэгтэй хэвлэх боломжтой болсон.
Мөнгөн хөрөнгө модультай холбоотой түгээмэл асуулт, өөрийгөө сорих (FAQ)
- Банкны дансны хуулга автомат татах боломжтой юу?
- Боломжтой. Банкны дансны хуулгыг нэг бүрчлэн шивэх, файлаас импортлохоос гадна шууд банкны corporate gateway, open bank үйлчилгээг ашиглан шууд татах боломжтой.
- Харилцахын орлогын баримт хэвлэгддэг үү?
- Үгүй. Зайлшгүй хэвлэх шаардлагатай бол Журнал үйлдэл - Хэвлэх - Журнал хэвлэх командаар хэвлэнэ.
- Мөнгөн гүйлгээний тайлангийн өмнөх оны дүнг хаана оруулах вэ?
- Мөнгөн хөрөнгө - Мөнгөн гүйлгээний үзүүлэлт цонхны Өмнөх оны дүн багананд оруулна.
- Мөнгөн гүйлгээний үзүүлэлтийг нэмж задалж болох уу?
- Болно. Мөнгөн хөрөнгө - Мөнгөн гүйлгээний үзүүлэлт цонхонд нэмнэ.
- Мөнгөн гүйлгээний тайлан буруу гараад байна.
- Ажил гүйлгээ бүртгэх журнал холбох үед мөнгөн гүйлгээний утгыг хэрэглэгч өөрөө сонгодог бөгөөд тухайн сонгосон утгаар Мөнгөн гүйлгээний тайлан боловсруулагддаг тул та хийсэн ажил гүйлгээгээ нягтлаарай. Орлого, зарлагын үзүүлэлт андуур сонгох үед системээс анхааруулга өгдөг.
- Мөнгөн гүйлгээний үзүүлэлт утга шаардаад байна. Яах вэ?
- Системээс мөнгөн гүйлгээний тайлан боловсруулагдаж гарах учраас мөнгө, түүнтэй адилгах данстай харьцсан данс бүрийн хувьд Мөнгөн гүйлгээний үзүүлэлт зайлшгүй утга шаардана.
- Мөнгөн гүйлгээний үзүүлэлт автоматаар нэг удаа тохируулж болох уу?
- Болно. Санхүү бүртгэл - Данс код цонхонд Default мөнгөн гүйлгээний үзүүлэлт нэг удаа тохируулснаар журнал холбоход автомат сонгогдох боломжтой.
- Данс хооронд хийсэн гүйлгээ 2 давхардаад байна. Алийг нь устгах вэ?
- Байгууллагын 2 данс хооронд хийсэн гүйлгээг Банкинд яваа мөнгө гэсэн нэмэлт данс үүсгэж, тухайн дансаар дамжуулж холбох нь зөв байдаг. Өөрөөр хэлбэл, шууд 2 харилцах дансыг хооронд нь дебет, кредит журнал холбохгүйгээр Банкинд яваа мөнгө дансаар дамжуулж, харилцахын орлого, харилцахын зарлага 2 баримтаа тусад нь үүсгэнэ. Зарим тохиолдолд банкны систем, бүх нийтийн амралтаас шалтгаалж 1 данснаас гарсан мөнгө, нөгөө дансанд хэд хоногийн дараа ордог тохиолдол байдаг.