Байгууллагын мэдээлэл

---

Шинэчилсэн:2026/05/05 Унших:4 мин 18 сек

Байгууллагын дэлгэрэнгүй бүртгэл

Dayansoft ERP системийн цэс: Үндсэн тохиргоо - Байгууллага цонх. Энэ цонх зөвхөн Admin хэрэглэгч дээр харагдана.

Энэ цонхонд мэдээллийг үнэн зөв бөглөж оруулснаар системээс гарах тайлан, анхан шатны баримтууд дээр байгууллагын нэр, татвар төлөгчийн дугаар, захирал, нягтлан бодогчийн нэр хэвлэгдэн гарна.

Байгууллагын ерөнхий мэдээлэл:

• Регистр №

  Мэдээллийн бааз үүсгэх үед гэрээ эсвэл хүсэлтийн дагуу регистрийн дугаар тохируулагдсан байх бөгөөд гараас дахин өөрчлөх боломжгүй байдаг. Регистрийн дугаарын ард "РД-р татвараас (Нэр, Татвар төлөгч №, НӨАТ, НХАТ) татах" товчоор татварын сервисийг дуудаж, мэдээлэл шинэчлэх боломжтой.

• Татвар төлөгч №

  Татвар төлөгчийн дугаарыг Регистрийн дугаараар татварын системээс автомат дуудаж хадгалагддаг. Тохируулаад хадгалсан үед гараас дахин өөрчлөх боломжгүй байдаг.

• Нэр

  Мэдээллийн бааз үүсгэх үед гэрээ эсвэл хүсэлтийн дагуу регистрийн дугаараар Улсын бүртгэлд бүртгүүлсэн албан ёсны нэр тохируулагдсан байх бөгөөд гараас дахин өөрчлөх боломжгүй байдаг. Хэрвээ ААН-н нэр өөрчилсөн тохиолдолд Регистрийн дугаарын ард "РД-р татвараас (Нэр, Татвар төлөгч №, НӨАТ, НХАТ) татах" товчоор дахин дуудаж хадгалах боломжтой.

• Нэр /EN/

  Байгууллагын нэрний Англи орчуулгыг оруулах бөгөөд тайлан, балансыг Англи хэл дээр харуулах үед хэвлэгдэнэ. Энэ нь зөвхөн англи биш 2-догч хэл буюу ямар ч хэл байж болно.

• Байгуулагдсан

  Улсын бүртгэлд бүртгүүлж байгуулагдсан он, сар, өдрийг оруулна.

• Үйл ажиллагаа

  Байгууллагын үйл ажиллагааны чиглэлийг оруулна.

• Утас

  Байгууллагын утасны дугаарыг оруулна.

• Утас 2

  Байгууллагын холбоо барих нэмэлт утасны дугаарыг оруулна.

• Mail

  Байгууллагын цахим шуудангийн хаяг оруулна.

• Web

  Байгууллагын веб сайт оруулна.

• Хаяг

  Байгууллагын дэлгэрэнгүй албан хаягийн мэдээллийг оруулна.

Дээрх мэдээллийг оруулаад Хадгалах товч дарна.

Захирал, нягтлан бодогч, гарын үсэг тохиргоо

• 1-р гарын үсэг: Байгууллагын захирал буюу тайлан, баримтанд 1-р гарын үсэг зурах ажилтныг сонгоно. Програм анх суулгах үед "[Захирлын нэрээ оруулна уу]" сонгогдсон байх бөгөөд Үндсэн тохиргоо - Ажилтан цонх руу орж захирлын нэрээр солиход болно. Тайлан, нягтлан бодох бүртгэлийн анхан шатны баримтууд дээр нэр нь хэвлэгдэх тул зайлшгүй оруулах шаардлагатай. Гэхдээ баримтанд хэвлэгдэх дараа нь 1-рт тухайн дансны кодын 1-р гарын үсгийн тохиргооноос, хоосон бол тухайн дансны харъяалагдах салбар нэгжийн 1-р гарын үсгийн тохиргооноос, хэрэв данс болон салбар нэгж 2-уул хоосон тохиолдолд байгууллага цонхонд тохируулсан тохиргооноос дуудахыг анхаарна уу.
• 2-р гарын үсэг: Байгууллагын нягтлан бодогч буюу тайлан, баримтанд 2-р гарын үсэг зурах ажилтныг сонгоно. Програм анх суулгах үед "[Нягтлан бодогчийн нэрээ оруулна уу]" сонгогдсон байх бөгөөд Үндсэн тохиргоо - Ажилтан цонх руу орж нягтлан бодогчийн нэрээр солиоход болно. Тайлан, нягтлан бодох бүртгэлийн анхан шатны баримтууд дээр нэр нь хэвлэгдэх тул зайлшгүй оруулах шаардлагатай. Гэхдээ баримтанд хэвлэгдэх дараа нь 1-рт тухайн дансны кодын 2-р гарын үсгийн тохиргооноос, хоосон бол тухайн дансны харъяалагдах салбар нэгжийн 2-р гарын үсгийн тохиргооноос, хэрэв данс болон салбар нэгж 2-уул хоосон тохиолдолд байгууллага цонхонд тохируулсан тохиргооноос дуудахыг анхаарна уу.

Лого, тамга гарын үсэгтэй баримт хэвлэх тохиргоо

Системээс хэвлэх анхан шатны баримтанд компаний тамга, ажилтны гарын үсгийг цахим хэлбэрээр тохируулж хэвлэх боломжтой.

Тохируулах алхам дараалал:

1. Тамга, лого, гарын үсгийн зургийг тод чанартай авч, арын дэвсгэр background арилгаад, онлайн drive-т байршуулж URL хандах боломжтой болгож хадгална.
   • https://www.remove.bg/ зэрэг арын background арилгадаг онлайн tool ашиглахыг зөвлөж байна.
   • Тухайн линк нь public link-ээр хандах боломжтой байх ёстой бөгөөд Google Drive зэрэг эрх, permission хязгаарлалттай линк тохируулахад хэвлэх боломжгүйг анхаарна уу. AI-powered Digital Asset Management буюу https://imagekit.io/ онлайн файл байршуулж хандах боломжтой сайтыг ашиглах боломжтой. Гэхдээ та, танай байгууллага тамга, гарын үсэг зэрэг чухал мэдээллээ хаана, яаж хадгалахаа өөрөө шийдэх нь зөв юм.
2. Үндсэн тохиргоо - Салбар нэгж цонхонд хамгийн дээр толгой салбар буюу компаниа сонгоод доор байрлах Линк тохируулах хэсэгт дараах бэлдэн зургийн линкээ тохируулж харгалзах Систем төрөл сонгож хадгална.
   • Лого - Logo
   • Компаний тамга - CompanyStamp
   • Санхүүгийн тамга - FinanceStamp
3. Үндсэн тохиргоо - Ажилтан цонхонд захирал болон нягтлан бодогчийн Линк тохируулах хэсэгт бэлдэн гарын үсэгний зургийн линкээ тохируулж Систем төрөл багананд Signature төрөл сонгоод хадгална. Борлуулагч зэрэг бусад ажилтны гарын үсгийг мөн тохируулах боломжтой. Линк тохируулсны дараа зураг шууд preview хийгдэж харагдаж байх ёстойг анхаарна уу.
4. Анхан шатны баримт хэвлэхдээ Тамга гарын үсэгтэй чек сонгоод хэвлэнэ.

НӨАТ, НХАТ суутган төлөгч

• НӨАТ суутган төлөгч эсэх: Регистрийн дугаараас Dayansoft ERP системд нэвтрэх үед татварын системээс автомат шалгах ба тухайн үеийн байдлаарх НӨАТ суутган төлөгч эсэх тохиргоог автомат дуудаж хадгалдаг. Хэрвээ сервис ажилллаагүй, интернетгүй тохиолдолд гараас чеклэх боломжтой. НӨАТ суутган төлөгч болох үед хийгдэх тохиргоо, шалгах зааврыг ЭНД дарж харна уу.
  • Бүртгүүлсэн: НӨАТ суутган төлөгчөөр татварын системд бүртгүүлсэн хугацааг харуулна. РД-р татвараас (Нэр, Татвар төлөгч №, НӨАТ, НХАТ) татах товч дарахад харуулаад алга болно.
• НӨАТ өглөг данс: НӨАТ-ын өглөгийн дансыг сонгоно. НӨАТ-ын өглөгийн данс үүсгээгүй бол Санхүү бүртгэл - Данс код цонх руу орж дансаа үүсгэнэ. Уг дансыг сонгож тохируулснаар НӨАТ-ын өглөгтэй холбоотой журнал бичилтүүдийг систем автоматаар үүсгэж, санал болгодог.
• НӨАТ авлага данс: НӨАТ-ын авлагын дансыг сонгоно. НӨАТ-ын авлагын данс үүсгээгүй бол Санхүү бүртгэл - Данс код цонх руу орж дансаа үүсгэнэ. Уг дансыг сонгож тохируулснаар НӨАТ-ын авлагатай холбоотой журнал бичилтүүдийг систем автоматаар үүсгэж, санал болгодог.
• НХАТ суутган төлөгч эсэх: Регистрийн дугаараас Dayansoft ERP системд нэвтрэх үед татварын системээс автомат шалгах ба тухайн үеийн байдлаарх НХАТ суутган төлөгч эсэх тохиргоог автомат дуудаж хадгалдаг. Хэрвээ сервис ажилллаагүй, интернетгүй тохиолдолд гараас чеклэх боломжтой. НХАТ суутган төлөгч болох үед хийгдэх тохиргоо, шалгах зааврыг ЭНД дарж харна уу.
• НХАТ өглөг данс: НХАТ-ын өглөгийн дансыг сонгоно. НХАТ-ын өглөгийн данс үүсгээгүй бол Санхүү бүртгэл - Данс код цонх руу орж дансаа үүсгэнэ. Уг дансыг сонгож тохируулснаар НХАТ-ын өглөгтэй холбоотой журнал бичилтүүдийг систем автоматаар үүсгэж, санал болгодог.

---