Ebarimt яг одоо хэвлэхгүй тохиргоо хийлгэх
Шинэчилсэн:2025/09/14 Унших:2 мин 4 сек
Dayansoft POS програм нь www.ebarimt.mn -д холбогдон ажиллах шаардлагуудыг хангаж, сертификат авсан бөгөөд борлуулалтын баримт гаргахдаа заавал ebarimt хэвлэдэг. Гэхдээ бизнесийн онцлогоос хамаарч POS програмаас тухайн үед заавал ebarimt хэвлэхгүй байх (хэвлэвэл давхардах) шаардлага үүсч гарсан учраас бид 2022.2-р сарын шинэчлэлээр хэрэглэгчдийн хүсэлтээр сугалааны дугаартай ebarimt яг борлуулалт хийх агшинд хэвлэхгүй байх тохиргоог хийх боломжтой болгосон.
Танай байгууллагын бизнесийн онцлогоос шалтгаалж:
- ebarimt-аа урьдчилж өгсөн
- ebarimt-аа дараа нь бөөн дүнгээр шивдэг (байгууллагын ажилчдын хоолны тооцоог ихэвчлэн сарын сүүлд бөөн дүнгээр байгууллагаар шивэх тохиолдол байдаг.) гэх мэт хэрвээ борлуулалт гарах үед ebarimt хэвлэвэл борлуулалтын баримт давхцах тохиолдол үүсэх бизнес хэрэглээтэй тохиолдолд Dayansoft POS програмд Ebarimt дараа олгохсонголтыг нэмүүлэх боломжтой.
* Албан бичгийг буруу зорилгоор, худлаа мэдээлэл өгч тохиргоо хийлгэсэн, хийлгэсний дараа үүнээс үүдэн гарах хариуцлагыг зөвхөн танай байгууллага хариуцахыг анхаарна уу! Мөн эрх бүхий байгууллагаас шаардсан тохиолдолд бид танай гаргасан хүсэлтийг баримт болгон хадгалж, дамжуулан өгөхийг үүгээр мэдэгдэж байна.
Хэрхэн тохиргоог идэвхжүүлэх вэ?
Дараах QR-г уншуулж, эсвэл ЭНД дарж "Ebarimt дараа олгох тохиргоо хийлгэх хүсэлт" гаргана.
Хүсэлт гаргахдаа "Албан тоотоо хавсаргана уу" хэсэгт дараах агуулга бүхий албан тоотыг Даянсофт ХХК-д хаяглан гаргана. Доорх албан тоотоос агуулгаас өөр бүхий хүсэлтийг баталгаажуулахгүй болохыг анхаарна уу.
" Манай ... дугаартай ... компани нь худалдан авагчдаа ebarimt дараа нь олгодог тул Dayansoft POS програмд яг борлуулалт гарах агшинд ebarimt хэвлэхгүй байх тохиргоог идэвхжүүлж өгнө үү.
Хүсэлт гаргасан .............................................. / / "
Програмд хэрхэн баримт гаргах вэ?
Таны гаргасан албан хүсэлтийг баталгаажуулсан хариу мэйлээр ирсний дараа Dayansoft POS програмаас Үйлдэл -> Тусламж -> Лиценз шинэчлэх товч дарснаар Төлбөр төлөх цонхонд Дараа олгох товч нэмэгдэнэ.
- Төлбөр төлөх цонхонд Харилцагч заавал сонгоно. (Хэрвээ харилцагч сонгох цонхонд харилцагч байхгүй тохиолдолд Dayansoft ERP системийн Үндсэн тохиргоо -> Харилцагч цонхонд шинэ харилцагч нэмж, Посоор үйлчлүүлнэ чеклэгдсэн байх шаардлагатай.)
- Дараа олгох товч дарах үед Ebarimt яг одоо хэвлэхгүй (дараа өгөх/өмнө өгсөн) гэдэгтээ итгэлтэй байна уу? асуулга асууж Yes дарна. Энэ үед ebarimt хэвлэгдэхгүй, Тооцооны баримт хэвлэгдэнэ.
Борлуулалтын жагсаалтанд тухайн баримтанд ebarimt хэвлээгүй бол ebarimt баганын утга чекгүй харагдана.
Анхаарах зүйл:
- Борлуулалтаа нуун дарагдуулах зорилгоор худал мэдээлэл өгч тус тохиргоог хийлгэхийг хориглоно. Албан бичгийг буруу зорилгоор, худлаа мэдээлэл өгч тохиргоо хийлгэсэн, хийлгэсний дараа үүнээс үүдэн гарах хариуцлагыг зөвхөн танай байгууллага хариуцахыг анхаарна уу!
- Ebarimt тухайн агшинд хэвлээгүй ч Dayansoft POS програмд борлуулалт татвар тооцсон дүнгээр бүртгэгдэнэ. Улмаар Dayansoft ERP системд посын борлуулалт татах үед татвартай борлуулалтын хамт нэгтгэгдэж татагдахыг анхаарна уу. Өөрөөр хэлбэл, ebarimt хэвлэсэн, хэвлээгүй борлуулалтаа ялгаж борлуулалт болгох боломжгүй.
- Хэрвээ борлуулалт биш урьдчилсан захиалга бичиж, тооцооны хуудас хэвлэх бол хэрхэн урьдчилсан захиалга үүсгэх заавартай танилцана уу.