Тайлан шинжилгээ
Шинэчилсэн:2026/01/11 Унших:2 мин 2 сек
Dayansoft ERP системийн цэс: Санхүү бүртгэл – Тайлан шинжилгээ
Тайлан
Тайлан харах хугацаагаа сонгож Харах товч дарснаар програмд хөтөлсөн ажил гүйлгээнээс Excel тайлан боловсруулж харуулна. Энэхүү тайлан нь шинээр хөгжүүлэгдэж байгаа бөгөөд Санхүүгийн их бүрэн тайлан, шинжилгээ, цаашид татварын тайлан маягтууд нэмэгдэн орно. Тайланг дурын хугацаагаар шүүж, Excel export хийж авах боломжтой.
Одоо гарч буй тайлангууд:
- Санхүү байдлын тайлан
- Орлогын дэлгэрэнгүй тайлан
- Өмчийн өөрчлөлтийн тайлан
- Мөнгөн гүйлгээний тайлан
- Санхүүгийн тодруулга тайлан
- Санхүүгийн шинжилгээ
Нэмэлт тайлан
Энэ цонхонд хэрэглэгч өөрийн хэрэгцээнд нийцүүлэн Excel томъёотой файлаа оруулан програмд хөтөлсөн ажил гүйлгээнээс дурын тайланг боловсруулж ашиглах боломжтой. Танайд стандарт тайлангуудаас өөр тайлангийн хэрэгцээ шаардлага гарсан бид бидэнтэй холбогдоорой.
Шалгах баланс
Энэ цонхоор байгууллагын хэмжээнд бүх дансны эхний, эцсийн үлдэгдэл, өөрчлөлт зэргийг дурын хугацааны хооронд шүүж харах, хянах боломжтой. Дансны бүлэг, дэд бүлгээс данс хүртэл задлан өсөлт, бууралтыг ялган харах боломжтой.
Шалгах балансаар алдаатай, дутуу гүйлгээг хялбар ялгаж харах боломжтой байдаг.
Данс дүн
Энэ цонхоор тухайн дансаар хийсэн гүйлгээний дүн, цэвэр өөрчлөлт зэргийг хугацааны шатлалаар харуулна.
Мөнгөн гүйлгээ дүн
Энэ цонхоор тухайн мөнгөн гүйлгээний үзүүлэлтээрх дүн, цэвэр өөрчлөлт зэргийг хугацааны шатлалаар харуулна.
Санхүүгийн тодруулга тайлан
Санхүү бүртгэл - Тайлан шинжилгээ цонхонд “Тайлант жил” сонгоод “Харах” товч дарна. Тодруулга sheet
Урьдчилж нэг удаа хийх тохиргоо:
Dayansoft ERP системээс Санхүүгийн тодруулга тайлан боловсруулахдаа тухайн дансны
- Данс бүлэг
- Данс төрөл
- Санхүү тодруулгын үзүүлэлт зэргээс хамаардаг. Өөрөөр хэлбэл, тодруулгын аль бүлэгт очиж буйгаас хамаарч бүлэг, төрөл, санхүү тодруулгын үзүүлэлт тохируулсан эсэх нь тооцоололд нөлөөлнө.
Санхүү бүртгэл -> Данс код цонхонд “Санхүү тодруулга” багананд зайлшгүй тодруулга шаардлагатай дансны хувьд тухайн дансны утга санхүүгийн тодруулга тайлангийн хаана очихыг тохируулах шаардлагатай. Өөрөөр хэлбэл, данс бүлэг болон данс төрлөөр ялгарах боломжгүй тохиолдолд “Санхүү тодруулга”-н үзүүлэлтээр задалж данс бүрийн ард тохируулна. Жишээ нь, Касс дахь мөнгө, банкин дахь мөнгө, мөнгө түүнтэй адилтгах хөрөнгө нь дансны бүлэг, төрлөөр ялгарахгүй 1 бүлэгт харъяалагддаг. Хэрэв тодруулга үзүүлэлтийг ийм дансны хувьд сонгоогүй бол санхүү тодруулга тайлан буруу, дутуу гарахыг анхаарна уу.
Тухайн Санхүү тодруулга баганын утгуудыг бид https://e-balance.mof.gov.mn/ -н Тодруулгын тайлангаас авч оруулсан ба хэрэглэгч өөр утга сонголтонд нэмэх, хасах боломжгүй. Зөвхөн тохирох утгыг сонгох, тодруулга тайланд очих шаардлагагүй, эсвэл дансны бүлэг, төрлөөр тодруулагдах дансны хувьд хоосон орхиход болно.
Санхүүгийн тодруулга тайлан гаргахдаа:
- Санхүү бүртгэл - Тайлан шинжилгээ цонхонд “Тайлант жил” сонгоод “Харах” товч дарна. Тодруулга sheet-д програмд хөтөлсөн ажил гүйлгээнээс Санхүүгийн тодруулга дахь тоон үзүүлэлтүүдийг тооцоолж харуулна. Харин тэмдэглэл бичих талбаруудын мэдээллийг Excel export дарж файл болгосны дараа байгууллагынхаа нягтлан бодох бүртгэлийн бодлогын баримт бичиг, нягтлан бодох бүртгэл хөтлөлттэй уялдуулж Нягтлан бодогч оруулна.