Журнал загвар үүсгэх

Шинэчилсэн:2026/08/20 Унших:5 мин 23 сек

📒 Журналын загвар

Dayansoft ERP системийн цэс: Санхүү бүртгэл → Журналын загвар

📌 Журналын загвар гэж юу вэ?

Журналын загвар нь байнга давтагддаг ажил гүйлгээний дебет, кредит бичилтийг урьдчилан тохируулж, баримт бүртгэх үед журналын бичилтийг автоматаар үүсгэх боломжийг олгоно.

Жишээлбэл:

Журналын загварыг нэг удаа зөв тохируулснаар дараагийн ажил гүйлгээнүүд дээр дахин дахин журналын данс сонгож оруулах шаардлагагүй болно.

💡 Давуу тал: Гар ажиллагааг багасгаж, ажилтны цагийг хэмнэхийн зэрэгцээ буруу дансанд журнал хийх болон бүртгэлийн алдааг багасгана.

JournalTemplate1

➕ 1. Журналын загвар үүсгэх

Санхүү бүртгэл → Журналын загвар цонхонд орж Шинэ (Ctrl+Insert) товч дарна.

Дараах мэдээллийг оруулна:

Талбар Тайлбар
Код Журналын загварын код. Дурын код өгөх боломжтой. 3 оронтой код ашиглахыг зөвлөж байна.
Нэр Журналын загварын нэр. Ямар зориулалттай загвар болохыг ойлгомжтой нэрлэнэ.

💡 Нэр өгөх жишээ

🔄 2. Журналын бичилт тохируулах

Журналын загварыг үүсгэсний дараа тухайн загвараар ямар дебет, кредит бичилт хийхийг тохируулна.

Нэмэх (Ctrl+Insert) товч дарж журналын мөр нэмнэ.

Талбар Тайлбар
Багц Нэг журналын загварт хамаарах бичилтүүдийг багцлан дугаарлана.
Дебет данс Дебетлэх дансыг сонгоно.
Кредит данс Кредитлэх дансыг сонгоно.
Мөнгөн гүйлгээ Тухайн бичилтэд хамаарах мөнгөн гүйлгээний үзүүлэлтийг сонгоно.
Харилцагч Шаардлагатай тохиолдолд харилцагчийг сонгоно.
Дараалал Журналын мөрүүдийн харагдах дарааллыг тохируулна.
Дүн төрөл Тухайн мөрөнд ямар дүнгээр журнал үүсгэхийг сонгоно.
Row Тухайн мөрийн дугаар. Томьёонд ашиглана.
Томьёо Мөрүүдийн дүнг ашиглан тооцоолол хийх томьёо оруулна.
Цалин үзүүлэлт Цалингийн журналын үед тухайн мөрөнд ашиглах цалингийн үзүүлэлтийг сонгоно.

🧮 3. Дүн төрөл

Дүнгийн төрөл нь тухайн журналын мөрөнд ямар эх үүсвэрийн дүнгээр бичилт хийхийг тодорхойлно.

🔹 Үлдэгдэл

Тухайн дансны үлдэгдэл дүнгээр журнал үүсгэнэ.

Жишээ:

Дуусаагүй үйлдвэрлэлийн зардлын дансны үлдэгдлийг хаалтын бичилтээр нэгтгэх.

🔹 Салбар

Нэг цалин бодолтоор байгууллагын бүх ажилтны цалинг бодож, цалингийн зардлыг салбар бүрээр тусдаа дансанд бүртгэх үед ашиглана.

Жишээ:

⚠️ Анхаарах: Салбар тус бүрийн зардлын дансыг Дансны төлөвлөгөө хэсэгт урьдчилан үүсгэсэн байх шаардлагатай.

🔹 Салбар ажилтан

Цалингийн зардлыг ажилтан болон тухайн ажилтны харьяалагдах салбартай уялдуулан журналд тусгах үед ашиглана.

💡 Энэ тохиргоог ашиглахын өмнө ажилтны салбарын мэдээлэл болон тухайн салбарын зардлын дансны тохиргоог шалгана.

🔢 4. Row ба Томьёо

Row нь журналын мөрийн дугаар бөгөөд тухайн мөрийн дүнг дараагийн мөрийн Томьёо хэсэгт ашиглаж болно.

💡 Жишээ

[3] / 1.1
[3] - [4]
[1] / 99

📋 5. Журналын загвар хувилах

Ижил бүтэцтэй журналын загварыг шинээр гараар үүсгэхийн оронд өмнөх загвараа хувилж ашиглаж болно.

Алхам

  1. Хувилах журналын загвараа сонгоно.
  2. Хувилах товч дарна.
  3. Шинэ загварын Код, Нэр-ийг өөрчилнө.
  4. Шаардлагатай данс, тохиргоог өөрчилнө.
  5. Хадгална.

⚡ Зөвлөмж: Ижил бүтэцтэй олон журнал ашигладаг бол хувилах аргыг ашигласнаар тохиргооны хугацааг хэмнэнэ.

💰 6. Цалингийн журналын загвар

Dayansoft ERP системийг шинээр суурилуулж ашиглаж байгаа үед дараах хоёр цалингийн журналын загварыг ашиглах боломжтой:

📥 Бэлэн загвар ашиглах

Default цалингийн журналын загвар татах

Хэрэв татаж авсан Excel загварын:

нь танай системийн кодчилолтой таарч байвал Санхүү бүртгэл → Журналын загвар цонхонд шууд copy → paste хийж оруулж болно.

Хэрэв кодчилол таарахгүй бол:

  1. Дебет данс
  2. Кредит данс
  3. Харилцагч

баганын утгыг хоосолно.

Дараа нь бусад мэдээллийг paste хийж оруулаад данс, харилцагчийг гараар тохируулна.

💵 6.1 Урьдчилгаа цалингийн журнал

Урьдчилгаа цалингийн журнал загварт цалингийн урьдчилгаатай холбоотой дансны харьцаа болон цалингийн үзүүлэлтүүдийг тохируулна.

JournalTemplateSalaryFirst

💵 6.2 Сүүл цалингийн журнал

Сүүл цалингийн журнал загварт цалингийн зардал, суутгал болон холбогдох өглөгийн дансны харьцааг тохируулна.

JournalTemplateSalaryEnd

🏢 7. Цалингийн зардлыг салбараар ялгах

Хэрэв цалингийн зардлыг:

зэрэг зардлын төвөөр ялгах шаардлагатай бол Сүүл цалингийн журнал загварыг хувилж ашиглана.

Алхам

  1. Сүүл цалингийн журнал загварыг сонгоно.
  2. Хувилах товч дарна.
  3. Шинэ загварт салбарын нэр өгнө.
  4. Цалингийн зардал, бусад зардлын дансны бичигдэх Дебет дансыг солино.
  5. Хадгална.
  6. Цалин бодсоны дараа тухайн салбарт тохирох журналын загварыг сонгож журнал үүсгэнэ.

JournalTemplateDuplicate

🎥 Жишээ: Борлуулалт, маркетингийн цалингийн зардал салгах

🔄 Нэг удаа цалин бодоод салбараар автоматаар хуваарилах

Дүнгийн төрөл → Салбар сонголтыг ашигласнаар цалинг компаниар нэг удаа бодоод, цалингийн зардлыг салбар бүрийн дансанд хуваарилан журнал үүсгэх боломжтой.

⚠️ Анхаарах: Салбар тус бүрийн цалингийн зардлын дансыг Дансны төлөвлөгөө хэсэгт урьдчилан үүсгэсэн байна.

JournalTemplateSalaryByDepartment

💳 8. QPay орлогын журналын загвар

QPay-р төлбөр хүлээн авах үед банкны харилцах дансанд шимтгэл хасагдсан цэвэр дүн орж ирдэг тохиолдол байдаг.

Ийм үед:

Борлуулалтын орлого → QPay шимтгэл → Шимтгэлийн НӨАТ → Банканд орсон цэвэр дүн

гэсэн бичилтийг нэг журналын загвараар автомат үүсгэж болно.

JournalTemplateQPay

📌 QPay журналын загвар үүсгэхийн өмнө

QPay-ийн шимтгэл болон шимтгэлээс тооцох НӨАТ-ын хувь хэмжээ нь ашиглаж буй банк, төлбөрийн шийдлээс хамаарч болох тул:

  1. Шимтгэлийн хувь хэмжээг тодорхойлох
  2. НӨАТ тооцох эсэхийг тодорхойлох
  3. Ямар дансанд бүртгэхээ шийдэх
  4. Дараа нь журналын загвараа тохируулах

нь зөв.

⚠️ Анхаарах: Харилцахын орлогын журналын загвар үүсгэж байгаа бол орлого орж буй харилцах дансыг эхний мөрөнд тохируулах шаардлагатай.

🎥 QPay журналын загварын жишээ

Дээр байрлах видеонд QPay төлбөрийн гүйлгээний шимтгэлийг салгаж журнал үүсгэх тохиргоог үзүүлсэн.

Үүсгэсэн загварыг ашиглан Харилцахын орлого бүртгэх үед журналын загварыг сонгож автомат журнал үүсгэнэ.

JournalTemplateQPayCash

🏭 9. Дуусаагүй үйлдвэрлэлийн нэгтгэл

Үйлдвэрлэлийн бүртгэл хөтөлдөг байгууллагад зардлын данснуудыг Дуусаагүй үйлдвэрлэлийн нэгтгэл дансанд тогтмол нэгтгэх шаардлагатай байдаг.

Ийм үед Үлдэгдэл дүнгийн төрлийг ашиглан журналын загвар үүсгэж болно.

JournalTemplateManufacture

🔄 Ашиглах дараалал

Санхүү бүртгэл → Журнал бичилт

  1. Журналын загвараа сонгоно.
  2. Холбох дарна.
  3. Зардлын данснуудын үлдэгдлээр журнал автоматаар үүснэ.
  4. Нэмэх дарна.
  5. Дуусаагүй үйлдвэрлэлийн нэгтгэл дансыг сонгоно.
  6. Хадгална.

📌 Үр дүн

Зардлын данснуудын тухайн үеийн үлдэгдлийг ашиглан Дуусаагүй үйлдвэрлэлийн нэгтгэл данс руу журналын бичилт үүснэ.

⚠️ Анхаарах: Дуусаагүй үйлдвэрлэлийн нэгтгэл дансыг журналын загварт оруулах шаардлагагүй.

🧾 10. Бусад хэрэглээ

Журналын загварыг зөвхөн дээрх жишээнүүдээр хязгаарлахгүйгээр танай байгууллагад давтамжтай хийгддэг ижил төрлийн журналын бичилтүүдэд ашиглаж болно.

Жишээ нь:

Журналын загвар Ашиглах зориулалт
💰 Цалингийн журнал Цалингийн зардал, өглөгийн бичилт
🧾 НӨАТ хаалт НӨАТ авлага, өглөгийг хаах
💼 ААНОАТ ААНОАТ-ын зардал тооцох
💳 QPay орлого QPay шимтгэл, НӨАТ-ыг салгах
🏦 Settlement орлого Settlement-ийн орлогын бичилт
🏭 Дуусаагүй үйлдвэрлэл Үйлдвэрлэлийн зардлыг нэгтгэх
🏦 Харилцах Давтагддаг банкны гүйлгээний бичилт

⚠️ Анхаарах зүйлс

✅ Зөвлөмж: Танай байгууллагад сар, долоо хоног бүр давтан хийгддэг журналын бичилтүүдийг жагсааж, тэдгээрийг журналын загвар болгон тохируулснаар санхүүгийн бүртгэлийн гар ажиллагааг мэдэгдэхүйц багасгах боломжтой.