Харилцахын зарлага, төлбөрийн даалгавар

Шинэчилсэн:2026/09/02 Унших:5 мин 34 сек

🏦 Харилцахын зарлага

Dayansoft ERP системийн цэс: Мөнгөн хөрөнгө → Харилцахын зарлага

BankCredit

📌 Мэдээлэл

Энэ цонхонд байгууллагын харилцах данснаас гарсан мөнгөн хөрөнгийн зарлага-ыг бүртгэж, тухайн ажил гүйлгээний журнал бичилтийг үүсгэнэ.

Мөн бүртгэсэн зарлагын баримтаас төлбөрийн даалгавар хэвлэх, кассын зарлага үүсгэх боломжтой.

➖ Харилцахын зарлага бүртгэх

Шинэ зарлагын баримт бүртгэхдээ Харилцахын жагсаалтаас хулганы баруун товч Шинэ зарлага товч дарна.

Бүртгэсэн баримтыг шаардлагатай тохиолдолд засах, устгах болон хувилах боломжтой.

📝 Баримтын мэдээлэл

📅 Огноо

Баримтын огноог оруулна.

⚠️ Анхаар: Ажил гүйлгээ бодитоор хийгдсэн огноог зөв оруулна. Огноог буруу оруулснаар харилцах дансны үлдэгдэл болон тайлангийн дүн зөрөх эрсдэлтэй.

👤 Харилцагч код

Зарлага гаргаж буй харилцагчийг сонгож оруулна.

👤 Харилцагч нэр

Сонгосон харилцагчийн нэрийг харуулна.

Хэрэв байгууллагын харилцагч биш этгээдэд зарлага гаргаж байгаа бол харилцагч сонголгүйгээр нэрийг гараас бичиж оруулах боломжтой.

🏦 Данс

Зарлага гарах харилцах дансны код-ыг сонгоно.

Сонголтын жагсаалтад зөвхөн харилцахын дансууд шүүгдэж харагдана.

💸 Зарлагын дүн

Зарлагын дүнг оруулна.

Хэрэв валютын данс сонгосон бол тухайн валютын дүнг оруулна.

💱 Валют

Сонгосон дансны валютыг харуулна.

💵 Зарлагын дүн ₮

Зарлагын дүнг төгрөгөөр оруулна.

Валютын дансны хувьд валютын дүн болон ханшид үндэслэн төгрөгийн дүн тооцогдоно.

📈 Ханш

Огноо талбарт сонгосон өдрийн валютын ханшийг харуулна.

Монголбанкны тухайн өдрийн ханш автомат татагдах бөгөөд шаардлагатай бол:

Монгол банкны ханш татах

товчийг дарж татна. Монголбанкны ханшнаас өөр ханшаар гүйлгээ хөтлөх бол Ханш дээрх дүнг гараас өөрчилнө.

📝 Утга

Тухайн зарлагын утга, тайлбар-ыг оруулна. Урьдчилж бүртгэсэн Гүйлгээний утга сонголтоос сонгох, эсвэл гараас шууд бичиж болно.

Жишээ:

📝 Утга орчуулга

Тухайн зарлагын утга, тайлбар-ын орлчуулгыг оруулна. Тайланг 2 дахь хэл дээр орчуулж харахад энд оруулсан орчуулгаар харагдана.

🔗 Reference

Ажил гүйлгээний эх сурвалж болсон баримтын лавлах дугаар-ыг оруулна.

Жишээ:

📎 Тайлбар /Хавсаргасан баримт/

Зарлагын баримтад хавсаргасан нэмэлт материал, тайлбар болон шаардлагатай мэдээллийг оруулна.

🔗 Банк гүйлгээ №

Банкнаас хуулга татах үед банкны гүйлгээний № бөглөгдөнө. Гараас өөрчлөх боломжгүй.

🔗 Банк гүйлгээ утга

Банкнаас хуулга татах үед банкны гүйлгээний утга бөглөгдөнө. Гараас өөрчлөх боломжгүй.

🔗 Банк гүйлгээ цаг

Банкнаас хуулга татах үед банкны гүйлгээний цаг минут бөглөгдөнө. Гараас өөрчлөх боломжгүй.

🏦 Хүлээн авах банкны мэдээлэл

Төлбөрийг хүлээн авах байгууллага, этгээдийн банкны мэдээллийг оруулна.

🏦 Хүлээн авах банкны данс

Хүлээн авагчийн харилцах дансны дугаарыг оруулна.

Үндсэн тохиргоо → Харилцагч → Банкны данс цонхонд бүртгэсэн банкны дансны мэдээллийг дуудаж сонгох боломжтой.

🏦 Хүлээн авах банкны нэр

Төлбөр хүлээн авах банкыг сонгож оруулна.

🔢 Хүлээн авах дансны дугаар

Төлбөр хүлээн авах дансны дугаарыг оруулна.

👤 Хүлээн авах дансны нэр

Төлбөр хүлээн авах дансны эзэмшигчийн нэрийг оруулна.

💡 Зөвлөмж: Төлбөрийн даалгавар хэвлэх бол хүлээн авагчийн банк, дансны дугаар, дансны нэрийг зөв оруулсан эсэхийг шалгана.

📒 Журнал холбох

Харилцахын зарлагын баримтыг бүртгэсний дараа тухайн ажил гүйлгээнд журнал бичилт үүсгэнэ.

Журнал холбох үед тухайн зарлагын гүйлгээнд тохирох данс болон бусад мэдээллийг сонгоно.

🧾 НӨАТ салгах

Хэрэв тухайн зарлагын гүйлгээнд НӨАТ салгах шаардлагатай бол журнал холбох үед:

☑ НӨАТ салгах

чекбоксыг сонгоно.

Ингэснээр тухайн гүйлгээний НӨАТ-ыг салгасан журналын бичилтийг систем автоматаар үүсгэнэ.

💡 Зөвлөмж: НӨАТ салгах эсэхийг тухайн ажил гүйлгээний баримт болон татварын нөхцөлтэй уялдуулан сонгоно.

🧾 Төлбөрийн даалгавар хэвлэх

Харилцахын зарлагын баримтаас төлбөрийн даалгавар хэвлэх боломжтой.

Баримтаа хадгалсны дараа:

Хэвлэх

командыг ашиглана.

⚙️ Мөнгө төлөгчийн банкны мэдээлэл тохируулах

Төлбөрийн даалгавар дээр мөнгө төлөгчийн банкны нэр, дансны нэр, дансны дугаарыг зөв хэвлүүлэхийн тулд харилцах дансны мэдээллийг тохируулна.

Санхүү бүртгэл → Данс код → Тохиргоо

цонхноос тухайн харилцах дансыг сонгож:

мэдээллийг тохируулна.

⚠️ Анхаар: Эдгээр мэдээлэл тохируулагдаагүй бол төлбөрийн даалгавар дээр мөнгө төлөгчийн банкны мэдээлэл дутуу хэвлэгдэх боломжтой.

💵 Кассын зарлага үүсгэх

Харилцахын зарлагын баримтаас кассын зарлага үүсгэх боломжтой.

Баримтаа бүртгэж хадгалсны дараа:

Хулганы баруун товч → Кассын зарлага үүсгэх

командыг дарна.

Ингэснээр Мөнгөн хөрөнгө → Кассын зарлага цонхонд холбогдох мэдээллийг бөглөсөн байдлаар кассын зарлагын баримт үүснэ.

💡 Зөвлөмж: Кассын зарлага үүссэний дараа кассын баримтын мэдээллийг шалгаж хадгална.

💱 Валютын харилцахын зарлага

Валютын харилцах дансаар зарлага бүртгэх үед тухайн дансны валютын тохиргоог урьдчилан шалгана.

Санхүү бүртгэл → Данс код

цонхноос тухайн харилцах дансыг сонгож Валют баганын утгыг шалгана.

Жишээ:

BankCurrencyAccount

🚨 Түгээмэл алдаа

Дансны нэрийг “Хаан банк $” гэж нэрлэсэн боловч Валют баганад MNT хэвээр үлдээсэн тохиолдолд систем тухайн дансыг төгрөгийн данс гэж үзнэ.

Иймээс валютын зарлага хийх үед дансны нэр дээрх $ тэмдэгтэд бус, Валют баганын тохиргоонд анхаарна.

⚙️ Валютын дансны тохиргоо

Санхүү бүртгэл → Данс код → Данс → Валют

гэсэн тохиргоогоор тухайн дансны валютыг шалгана.

💡 Гол санаа: Дансны нэр нь тухайн дансны валютыг тодорхойлохгүй. Системийн хувьд Валют баганад тохируулсан утга нь тухайн дансны валютыг тодорхойлно.

📋 Бүртгэхийн өмнө шалгах зүйлс

Харилцахын зарлага бүртгэхийн өмнө дараах мэдээллийг шалгаарай.

✅ Зөв бүртгэл = Зөв огноо + Зөв данс + Зөв дүн + Зөв хүлээн авагч + Зөв журнал

❓ Түгээмэл асуулт

🖨️ 1. Төлбөрийн даалгавар дээр нягтлангийн нэр хэвлэгдэхгүй байна. Яах вэ?

Төлбөрийн даалгавар дээр хэвлэх нягтланг:

Санхүү бүртгэл → Данс код → Тохиргоо

цонхонд тохируулна.

Тухайн харилцахын дансыг сонгоод 2-р гарын үсэг баганад төлбөрийн даалгавар дээр хэвлэгдэх нягтлангийн нэрийг сонгож хадгална.

Данс кодын тохиргоо

💡 Зөвлөгөө: Төлбөрийн даалгавар хэвлэхээс өмнө тухайн харилцах дансны Нягтлан, Харилцах банк, Харилцах дансны нэр, Харилцах дансны № тохиргоог нэг удаа шалгаж тохируулбал дараагийн төлбөрийн даалгавруудад дахин оруулах шаардлагагүй болно.

🏦 2. Төлбөрийн даалгавар дээр мөнгө төлөгчийн дансны мэдээлэл гарахгүй байна. Яах вэ?

Санхүү бүртгэл → Данс код цонхонд тухайн харилцах дансны:

мэдээллийг тохируулсан эсэхийг шалгана.

💵 3. Харилцахын зарлагаас кассын зарлага үүсгэж болох уу?

✅ Болно.

Харилцахын зарлагын баримтаас:

Хулганы баруун товч → Кассын зарлага үүсгэх

командыг дарснаар Мөнгөн хөрөнгө → Кассын зарлага цонхонд холбогдох мэдээллийг бөглөсөн баримт үүсгэнэ.

💱 4. Валютын зарлага хийхэд валютын дүн буруу гараад байна. Яах вэ?

Эхлээд:

Санхүү бүртгэл → Данс код

цонхонд тухайн харилцах дансны Валют зөв тохируулагдсан эсэхийг шалгана.

Мөн баримтын Огноо, Валют, Ханш, Зарлагын дүн, Зарлагын дүн ₮ мэдээллийг шалгана.

🧾 5. НӨАТ-ыг автоматаар салгаж болох уу?

✅ Болно.

Журнал холбох үед НӨАТ салгах чекбоксыг сонгосноор тухайн гүйлгээний НӨАТ салсан бичилтийг систем автоматаар үүсгэнэ.